ANDER SPORTSOORTE

SA GIMNASTIEK

Megan de Beer en Anri Malan het aan die aan die Wes-Kaap Gimnastiekkampioenskapppe by die Wes-Kaapse Sportskool in Kuilsrivier, deelgeneem.  Albei is opgeneem in die Wes-Kaap Gimnastiekspan en gaan in Oktober hierdie span by die Nasionale Gimnastiekspele “SAGF Gym Games” in Gauteng verteenwoordig. 

 

Danika Swift (silwer medalje) en Ben van Wyk (brons medalje) het aan die Wes-Kaap Gimnastiekassosiasie se Distriksproewe vir vlak twee deelgeneem.  Beide het op 24 Junie 2018 aan die Suid-Sone Gimnastiekkompetisie by die Wes-Kaapse Sportskool in Kuilsrivier deelneem waar hulle die Kaapstad-distrik verteenwoordig het.

Danika het tydens hierdie kompetisie 'n silwer medalje ontvang en daarmee deurgedring na vlak 3 toe.  Ben het 'n brons medalje ontvang en ook deugedring na vlak 3 toe.

WES-KAAP JUDO

Aldrich Traut het aan verskeie Judotoernooie deelgeneem en die volgende uitslae is behaal: Cape Winelands Ope Judo toernooi (goud), Wes-Kaap Ope in twee gewigsafdelings (beide goud).  Hy is ook gekies om aan die SA-toernooi, wat gedurende die Julie-vakansie in Port Elizabeth plaasvind, te gaan deelneem.  

BOLAND O/13 ONDERWATER HOKKIESPAN

 

Carlie en Wilmie Meintjes is gekies om die Boland O/13 Onderwater hokkiespan tydens die Nasionale Jeugtoernooi te verteenwoordig.  Hierdie toernooi het vanaf 8 –10 Maart 2018 in Potchefstroom plaasgevind. 

YSSKAATSSPAN

JG van den Berg                                                                                      Stijn Pienaar

JG van den Berg en Stijn Pienaar is beide in die WP Jeug Stoeispan opgeneem.  Hulle gaan op 5 en 6 Oktober aan die SA Jeugkampioenskappe by die Bellville Velodrome deelneem.

WES-KAAP YSSKAATSSPAN

Emma Johnson het Wes-Kaap kleure behaal in Ysskaats.  Sy het die naweek van 7 tot 8 Mei aan die Nasionale kompetisie (South-Africa National Figure Skating Championships) in Pretoria deelgeneem.