RUGBY

       
As karakterbouer is daar weinig sportsoorte wat rugby kan klop.  Nie alleen is dit ‘n uiters mededingende sport nie, maar dit kweek ook by die leerders:
selfdissipline 
selfbeheersing 
kameraadskap 
gesonde menseverhoudinge 
deursettingsvermoë

KOMPETISIE  

VOORAFBEPAALDE WEDSTRYDPROGRAMME word twee maal per jaar vanaf Westelike Provinsie Laerskole Rugby-unie ontvang waar daar dan meegeding word teen naburige skole asook teen skole vanuit agtergeblewe gebiede.  Ekstra wedstryde word op SPORTDAE (2 per kwartaal) aangebied terwyl dit afrigters vry staan om nog verdere uitnodigings te aanvaar. 

SPANNE

Spanne neem in die volgende ouderdomsgroepe deel en soveel moontlik spanne word die geleentheid gebied om in daardie ouderdomsgroep deel te neem: 

O/7  

O/8  

O/9  

O/10 

O/11 

O/13

AFRIGTING 

Afrigting word hoofsaaklik deur ONDERRIGPERSONEEL gedoen.  Tans maak die skool egter ook van buite-afrigters soos OUERS en STUDENTE gebruik.

LAERSKOOL MIKRO ELTO TOWERS 7’S RUGBY- EN NETBALTOERNOOI, 31 AUGUSTUS 2019:

Die eerste Sewestoernooi is op 1 September 2001 aangebied.  Die toernooi behels ´n Trofee- en Plaat-kompetisie vir 0/10-, 0/11- en 0/13 -spelers.  Dit vind jaarliks na afloop van die Laerskole rugbyseisoen plaas. Die 19de agtereenvolgende 7’s Rugby- en Netbaltoernooi het op Saterdag, 31 Augustus 2019, plaasgevind.  Elto Towers het dit vanjaar geborg. 17 skole (38 netbal- en 44 rugbyspanne) het  deelgeneem aan dié spogtoernooi wat net gewilder raak.

     
Laerskool Mikro se O/10A-Sewes rugbyspan was die naaswenners in die plaat-afdeling.  Op die foto verskyn hulle saam met hul afrigter, mnr. Ruan Meyer en mnr. Louis Mouton (skoolhoof).  Ook op die foto verskyn mnre. James Murphy en Branco du Preez (SA Nasionale 7’s-rugbyspan, die Blitzbokke) en regs is mnre. Du Preez Lubbe en Wilhelm Makkink van Elto Towers.