MIKRO PREPRIMêR

Ons Graad R-Reis

Elke week gaan ons op ‘n unieke reis.

Waar Juffrou met ons inligting deel en prente wys.

Ons beweeg deur die ruimte en leer wilde diere ken.

So kan ons eendag baie vasvrakompetisies wen.

Ons instappies is vol pret en plesier,

van polisiehonde tot ‘n unieke 2-been dier.

Daar is baie geleenthede om interessante goed te leer.

Ons hou so baie van skool, ons kan onsself nie keer.

Binne en buite die klas leer ons speel-speel,

so raak ons baie slim en leer ook hoe om te deel.

Ons teken, knip, verf, en skeur en plak ook nog,

ons kreatiewe takies is iets waarmee ons kan spog.

Die jaarlikse fondsinsameling word deur die oulike ouers gereël,

hierdie besonderse koekverkoping stel nooit teleur.

Met mammas en pappas wat help koekies bak vir die mark,

word die Graad Re se drome waar met ‘n unieke speelpark.

Ons vier spesiale dae soos Kersfees en Valentynsdag,

dit voel soos familie want ons kan ook lekker saam lag.

By Laerskool Mikro is elke dag ‘n fees,

terwyl ons bou aan ons waardes om beter te wees.